السلام عليكم ورحمة الله وبركاتة
كـ،،ـثـ،،ــر ألــ،،ــ غ ـ،،ــرور
هيه يلي واخذك كثر الغرور
والله ان غرورك بنفسك عماك
تحسبي نفسك اميره في قصور
وما حدن في الناس يوصل مستواك !
ولا خلق الناس طين الا انتي نور ؟؟
لعنبو غيرك ترى منتي ملاك
(رُب غيرك )صار امواج البحور
من غروره مالقى غير الهلاك
غرك اللي يمدحك لو مدح زور
وتصدقي يوم انه يوافق هواك
وش شعورك لو بقى عندك شعور
لو شبابك راح واللي بعد جاك
بعدها..باتسألي وين الحضور
وين راحوا المعجبين اللي وراك
بعدما كانوا عليك اشبه بسور
هملوك ..وراحوا يشوفو سواك
اغنمي نفسك قبل زينك يبور
ياعسى تلقين من يصدق معاك !!
الزمن لو زان في لحظه يدور
والورد يذبل ولو تسقيه ماك
لك .. انا جبت النصيحه في سطور
اقبليها.. ياعسى ربي يهداك
ان قبلتي ..كان من داعي السرور
وان رفضتي.. قلت لك يسعد مساك
تحسبين ألف من حولك وادور
قصدي بقربك او اتمنى هواك ؟!
لا حشا..مالك وسط قلبي حضور
لا تجي ارضي ولا بصعد سماك
قلبي اصلا تسكنه بدر البدور
بس انا شفتك على وشك الهلاك
..
كلمات /فْيَضًٍ آلمًشًِْآعًٍرٌٍ